Papiamentu

Kambio di trono

Djaluna 28 di Yanüari 2013 su mahestat Lareina a anunsiá ku e lo baha for di trono i ku su yu mayó, Prens di Oranje lo siguié. Apdikashon di Reina Beatrix i inaugurashon di e Rei nobo Willem-Alexander lo tuma luga na Amsterdam riba 30 di aprel 2013.

Apdikashon

Riba 30 di aprel Lareina lo firma e akta di apdikashon den palasio real na Amsterdam. Esaki ta un un suseso konstitushonal i ku esaki  Lareina lo baha for di trono formalmente. Dirèkt despues di e firmamentu, pues promé ku e inaugurashon ofisial, Prens van Oranje lo ta Rei konstitushonal. E  lo bira Rei Willem-Alexander. For di e momento ei  Prensès Máxima di Hulanda lo bira Reina Máxima. Reina Beatrix lo bira Prensès Beatrix. Seguidamente e Reina ku a baha i e Rei nobo lo duna un pich kòrtiku for di balkon di palasio. Despues e pareha real nobo i nan tres yu muhénan Prensés Catharina-Amalia, Prensès Alexia i Prensès Ariane lo presentá riba balkon.

Inougurashon

Djis despues di - pues riba mésun dia - e huramentu i inougurashon di Rei lo tuma lugá den de Nieuwe kerk na Amsterdam. E seremonia lo tuma lugá durante un reunion konhunto di Senado i Parlamento: e reunion di 'Staten-Generaal'. Konforme Konstitushon presidente di Senado i Parlamento ta presidente di reunion di 'Staten-Generaal' tambe, den e funshon ei tambe anfitrion di e reunion.

Durante e seremonia di inougurashon e Rei nobo lo presta huramentu i su fieldat na Statüt di Reino i Konstitushon. Miembronan di reunion di Staten-Generaal i delegashonnan di i Aruba, Kòrsou i Sint Maarten lo hura òf primintí  pa mantené inmunidat i derechonan di su realesa. Presidente di Senado di Staten-Generaal lo manda invitashon pa e seremonia entre otro  pa miembronan di Senado i Parlamento, delegashonnan di e tres paisnan Aruba, Kòrsou i Sint Maarten, Konseho di Minister di Reino, ministernan di Estado i representantenan estranhero.

Deskripshon di funshon

E trabounan diario di Rei nobo lo konsistí di e tareanan preskribí dor di Konstitushon i diferente asuntunan ku e ta hasi normalmente. Por ehèmpel: huramentu di ministernan, sekretarionan di Estado, embahadornan, gobernadornan di Aruba, Kòrsou i Sint Maarten, representá Hulanda den eksterior ( bishitanan ofisial), firmamentu di leinan i pronunsiamentu di diskurso di Rei dia di apertura di aña parlamentario, kòmbersashonnan ku promé president i mandatarionan.

Dentro di un aña despues ku Rei nobo tuma poseshon di su puesto e lo bishita e provinsianan i  partinan di Reino den Karibe huntu ku Reina Máxima.